MKE NA MUME WATEKETEA KWA MOTO MBEYA MJINI,NOTI BANDIA ZAKAMATWA MBOZI

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 14. 10. 2013.

WILAYA YA  MBEYA MJINI – AJALI YA  MOTO NA KUSABABISHA VIFO.

MNAMO TAREHE 14.10.2013 MAJIRA YA  SAA 00:25HRS HUKO ILEMI JIJI NA MKOA WA MBEYA. FADHIR S/O SAID, MIAKA 45, MMAKUA, MKAZI WA ILEMI NA  MKE WAKE ALIYEFAHAMIKA KWA JINA LA LUCY D/O SAID,  MKAZI WA ILEMI, WALIRAFIKI DUNIA  KWA KUUNGUA MOTO WAKIWA KATIKA MOJAWAPO YA VYUMBA VYA NYUMBA YAO.  CHANZO CHA MOTO HUO BADO KUFAHAMIKA. NYUMBA HIYO ILIYOKUWA INAMILIKIWA NA MAREHEMU HAO  INA JUMLA YA  VYUMBA SITA [06] NA SEBULE MOJA  NA MAREHEMU ALIKUWA ANAISHI NA FAMILIA YAKE YENYE WATOTO WANNE. MOTO ULIZIMWA NA WANANCHI  WA ENEO HILO KWA KUSHIRIKIANA NA  POLISI WALIOFIKA ENEO HILO. HAKUNA MADHARA KWA WATU WENGINE. YALIYORIPOTIWA KUTOKEA, THAMANI HALISI YA  MALI ILIYOTEKETEA BADO KUFAHAMIKA. MIILI YA  MAREHEMU IMEHIFADHIWA HOSPITALI YA  RUFAA MBEYA. KAMANDA WA POLISI  MKOA WA MBEYA  KAMISHNA MSAIDIZI WA POLISI DIWANI ATHUMANI  ANAENDELEA KUTOA WITO KWA JAMII KUCHUKUA TAHADHARI YA  KUJIEPUSHA NA MAJANGA YA  MOTO.

WILAYA YA  MBOZI – KUPATIKANA NA NOTI BANDIA.

MNAMO TAREHE 13.10.2013 MAJIRA YA  SAA 18:00HRS HUKO MLOWO WILAYA YA  MBOZI MKOA WA MBEYA.  ERICK S/O KYANDO,MIAKA 32,  MKINGA, FUNDI MAGARI, MKAZI WA ILEMBO MLOWO – MBOZI  ALIKAMATWA NA NOTI BANDIA ZA KITANZANIA TSHS 100,000/= [ZOTE ZIKIWA NOTI MPYA ZA TSHS 10,000/=] AMBAZO ALITAKA KUINGIZA KWENYE AKAUNTI YAKE YA  M-PESA KWA WAKALA AITWAE LYIDIA D/O MWAKIPESILE. NOTI HIZO ZINA NAMBA – BF 29378331 NOTI -3, FC- 4243042 NOTI -1, FC- 4243043 NOTI -2, AA-4243031 – NOTI 1, BF- 4243045 NOTI 2 NA AA 4243034 NOTI 1. KAMANDA WA POLISI  MKOA WA MBEYA  KAMISHNA MSAIDIZI WA POLISI DIWANI ATHUMANI  ANAENDELEA KUTOA WITO KWA JAMII KUWA NA TAHADHARI NA MATUMIZI YA  PESA HASA NOTI ILI KUEPUKANA NA MATATIZO YANAYOWEZA KUEPUKIKA. AIDHA ANAENDELEA KUTOA RAI KWA YEYOTE MWENYE TAARIFA JUU YA  MTU/WATU AU MTANDAO UNAOJIHUSISHA NA UTENGENEZAJI/USAMBAZAJI WA NOTI BANDIA AZITOE KATIKA MAMLAKA HUSIKA ILI WAKAMATWE NA SHERIA ICHUKUE MKONDO WAKE.

WILAYA YA  MBEYA MJINI – KUPATIKANA NA BHANGI.

MNAMO TAREHE 13.10.2013 MAJIRA YA  SAA 13:30HRS HUKO KATIKA KITUO  KIDOGO CHA POLIS  UYOLE JIJI NA MKOA WA MBEYA. ASKARI POLISI  WALIMKAMATA SAIMON S/O KISUNGU, MIAKA 22, MUWANJI, MKULIMA, MKAZI WA SIMAMBWE AKIWA NA BHANGI KETE MOJA MFUKONI SAWA NA UZITO WA GRAM 5,  WAKATI AKIPEKULIWA BAADA YA  KUKAMATWA KWA TUHUMA ZA WIZI. TARATIBU ZINAFANYWA  ILI AFIKISHWE MAHAKAMANI. KAMANDA WA POLISI  MKOA WA MBEYA  KAMISHNA MSAIDIZI WA POLISI DIWANI ATHUMANI  ANAENDELEA KUTOA WITO KWA JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA  MTUMIAJI.

                                                       Signed by:

[ DIWANI ATHUMANI - ACP ]

KAMANDA WA POLISI MKOA WA MBEYA.