mauaji Chunya,huku wahabeshi wawili wakishikiliwa na mtu anayedaiwa dalali wa biashara haramu ya binadamu mkazi wa kasumulu akitiwa mbarano

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 16. 10. 2013.

WILAYA YA CHUNYA – MAUAJI.

MNAMO TAREHE 14.10.2013 MAJIRA YA SAA 23:30HRS HUKO KATIKA KIJIJI CHA NKUHUNG’U KATA YA LUPA, TARAFA KIPEMBAWE, WILAYA YA CHUNYA MKOA WA MBEYA.  MATHA D/O CHARLES,  MIAKA 32,  MFIPA, MKULIMA, MKAZI WA NKUHUNG’U,  ALIFARIKI DUNIA AKIWA NYUMBANI KWAKE BAADA YA  KUPIGWA KWA FIMBO MGONGONI NA MBAVUNI NA MUME WAKE AITWAE JOSEPH S/O JOHN, MIAKA 40, MNYIHA, MKULIMA, MKAZI WA NKUHUNG’U SIKU YA  TAREHE 28.09.2013 MAJIRA YA  SAA 02:45HRS . CHANZO NI UGOMVI WA KIFAMILIA. BAADA YA  TUKIO MTUHUMIWA ALIMKATAZA MAREHEMU KWENDA HOSPITALI KUPATA MATIBABU HIVYO KUUGULIA NYUMBANI HADI ALIPOFARIKI DUNIA.  MWILI WA MAREHEMU UMEFANYIWA UCHUNGUZI NA KUKABIDHIWA NDUGU KWA MAZISHI. MTUHUMIWA AMEKAMATWA TARATIBU ZA KUMFIKISHA MAHAKAMANI ZINAFANYWA. KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI  ANAENDELEA KUTOA WITO KWA JAMII HASA WANAFAMILIA/NDOA KUTATUA MATATIZO YAO KWA KUJENGA HOJA NA  KUKAA MEZA MOJA YA  MAZUNGUMZO ILI KUEPUKA MATATIZO YANAYOWEZA KUEPUKIKA.

WILAYA YA KYELA – KUINGIA NCHINI BILA KIBALI.

MNAMO TAREHE 15.10.2013 MAJIRA YA SAA 17:30HRS HUKO KASUMULU WILAYA YA KYELA MKOA WA MBEYA. ASKARI POLISI WAKIWA DORIA WALIWAKAMATA 1. ZALAKA S/O KABHAM, MIAKA 20 NA 2. ERISIDO S/O KAPARA, MIAKA 25, WOTE RAIA NA WAKAZI WA NCHINI ETHIOPIA WAKIWA WAMEINGIA NCHINI BILA KIBALI. MBINU NI KUSAFIRI KWA NJIA YA KIFICHO NA KUHIFADHIWA NA DENIS S/O ANORD, MIAKA 20, KYUSA, MKULIMA MKAZI WA KASUMULU AMBAYE PIA AMEKAMATWA. TARATIBU ZINAFANYWA ILI WAKABIDHIWE IDARA YA UHAMIAJI. KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI  ANAENDELEA KUTOA WITO KWA JAMII KUENDELEA KUTOA TAARIFA KATIKA MAMLAKA HUSIKA JUU YA  MTU/WATU WANAOWATILIA SHAKA IKIWA NI PAMOJA NA RAIA WA KIGENI ILI HATUA ZA KISHERIA DHIDI YAO ZICHUKULIWE MARA MOJA.

Signed by:

[DIWANI ATHUMANI - ACP]

KAMANDA WA POLISI MKOA WA MBEYA.